词曲╱王昭华│编曲、键盘╱王俊杰│大提琴╱郭淑仪│贝斯╱郭谦诚│鼓组╱卢斯勇、

飞行机越出海 欲踅转头 切过大港口 准备欲降落了 海面贴真近 船只刘出白涌 水光闪闪熠熠 予阮目睭剔袂金 唔 唔 细汉的彼班火车 嘛驶返头 躜入月台边 准备欲落车了 楼仔厝贴真密 车辆吐出乌烟 日头赤赤焰焰 曝甲阮乌暗眩 唔 唔 大路顶的风飞沙 椰子树sah sah sah 六合路的夜市仔 拄煎好的牛排chih chih chih chih 人佮人贴真偎 热情搏出心肝 月娘茫茫雾雾 爱去到西仔湾才看有 夜色深沉的西仔湾 海水轻轻咧歇喘 若像恬恬盖着乌绒仔布 乱乱掖珍珠佮钻石 夜色茫渺的打狗港 船只来来去去无睏梦 一葩一葩金金的灯仔火 看顾港都的希望 我的阿姐的青春 从做查某囡仔就伫加工区 小学仝班的阿立仔 卖RO饮水机拼业务 姐夫替人牵水电 伫新起的大楼扒起扒落 亲家较早咧拆船 食老踮厝罔骗孙 唔 唔 第一摆坐火车 第一摆过高屏铁桥 第一出外国电影 第一摆坐吊篮 第一摆踅百货公司 第一摆食着炸鸡 第一摆饮着 遐呢歹饮的自来水 拢是伫即咧城市