词曲╱王昭华│编曲、吉他╱杨邦昊

汝敢知 阿爸怹彼代 怹的汗是安怎滴落来 汝敢知 阿公怹彼代 怹的血是安怎流落来 汝敢知 阿母怹彼代 怹的无奈怹的感慨 汝敢知 阿妈怹彼代 怹的目屎怎样吞腹内 啊 汝敢知 伫即块岛屿 曾经发生偌济故事 汝敢知 咱即块岛屿 是安怎变甲者呢富裕 汝敢知 伫即块岛屿 咱所牺牲咱所付出 汝敢知 咱即块岛屿 创造的奇迹无人有 啊 汝敢知 咱的明仔载 是靠啥人来安排 汝敢知 咱的明仔载 敢犹原遐呢请裁 汝敢知 咱的明仔载 有啥物希望啥物阻碍 汝敢知 咱的明仔载 是运命共同的未来 啊 汝敢知 毋通讲汝毋知 即块土地需要汝疼爱 汝敢知 袂当讲汝毋知 世事毋是一人一家代 汝敢知 毋通讲汝毋知 即块土地需要汝疼爱 汝敢知 袂当讲汝毋知 和好和平一步一步来