http://www.imusic.cn/common/editor/smile/56.gif"> 长流不息嘅《上海滩》

    浪奔浪流 万里滔滔江水永不休 淘尽了世间事 混作滔滔一片潮流 是喜是愁 浪里分不清欢笑悲忧 ……
万般情 万般恨 像那春江河波涛隐隐 什么缘什么份 随逝水东流再不要问……

    几年前喺北方某市一家K厅，当我将《上海滩》、《万般情》呢两首歌曲唱罢，居然少有噉响起来自成个大厅嘅陌生人嘅热烈掌声，使我受宠若惊。原来全赖这两首歌嘅名气所赐——当地人唱粤语歌难度大，听到有人以标准嘅粤语腔“合格”噉唱出自己喜爱而唔係几敢唱嘅歌，先有此反应啫！

    上世纪80年代，一曲气势磅礴嘅《上海滩》及其姊妹篇《万般情》、《上海滩龙虎斗》，经由香港女歌手叶丽仪唱出，真係非同凡响，非但在港澳台地区街知巷闻，其后更係风靡国内、东南亚地区及至美国、加拿大等华人社会。

    只不过一出电视剧集主题曲，点会咁大“杀伤力”？係咪嗰齣《上海滩》剧集好睇，连带捧红埋佢嘅主题曲噶？呢个问题其实相当于问“先有鸡蛋先定係先有鸡先”啫！冇错，想当年喺香港，电视剧正处于全盛时期，电视剧主题曲亦都顺理成章成为主打项目，仲占据咗乐坛嘅半壁江山添！但即便如此，亦冇可能每首歌都走红，更冇可能红得咁交关嘅。

    以旧上海黑社会“龙争虎斗”为背景题材的电视剧《上海滩》，正如入边汇聚咗周润发、吕良伟、赵雅芝等当红偶像充当主角阵容噉，该主题曲畀“边个唱”同样举足轻重。而叶丽仪以其天赋嘅音域宽广、清劲有力嘅独特声线同唱功造诣，配合主题曲《上海滩》音韵之激越高昂、词句之豪放恢宏，可谓度“声”订造，舍佢其谁？！

    果然，谱曲人顾家辉、填词人王霑一啲都冇走眼——《上海滩》主题曲唔单止迅速流行，仲经得起时间嘅洗礼，卒之成为最经典流行金曲之一。对歌手而言，叶丽仪一炮而红，从此奠定咗佢“实力派”歌手嘅乐坛地位；对剧集而言，则起画龙点晴作用，可谓相得益彰咯！

    使我哋喺啲歌迷高兴嘅係，叶丽仪迄今虽年逾5旬，却非但未见老态，照样咁劲，声线听起嚟反而更有韵味，更收放自如添！